សម្តេចប៉ាបPope Leo បានមានប្រសាសន៍ថាបេសកកម្មសំខាន់របស់លោកគឺផ្សព្វផ្សាយសន្តិភាពនិងដំណឹងល្អ ទោះបីជាត្រូវរងការរិះគន់ពីអ្នកនយោបាយក៏ដោយ។ ប្រសាសន៍នេះធ្វើឡើងបន្ទាប់ពីប្រធានាធិបតីអាមេរិក Donald Trump បានវិភាគរិះគន់លោកយ៉ាងខ្លាំង ពាក់ព័ន្ធនឹងមតិយោបល់អំពីសង្គ្រាមនៅមជ្ឈិមបូព៌ា។
ប្រភពពីសារព័ត៌មានBBC នៅថ្ងៃទី៦ខែឧសភា។
លោកTrump បានអះអាងថា សម្តេចប៉ាបមានទស្សនៈថាអ៊ីរ៉ង់អាចមានអាវុធនុយក្លេអ៊ែរ ប៉ុន្តែសម្តេចប៉ាបមិនបាននិយាយដូច្នេះឡើយ។ ទោះយ៉ាងណា សម្តេចប៉ាបបានបង្ហាញការប្រឆាំងចំពោះសង្គ្រាមដែលដឹកនាំដោយសហរដ្ឋអាមេរិក និងអ៊ីស្រាអែលលើអ៊ីរ៉ង់ ដែលជាហេតុធ្វើឱ្យមានភាពតានតឹងជាមួយលោក Trump៕