អ៊ីរ៉ង់និយាយថា ខ្លួនត្រៀមរួចហើយដើម្បីអនុវត្តតាមច្បាប់អន្តរជាតិ ដើម្បីបង្ហាញថា កម្មវិធីនុយក្លេអ៊ែររបស់ខ្លួនមានគោលបំណងសន្តិភាព មិនមែនសម្រាប់សង្គ្រាមទេ។
ប្រភពពីសារព័ត៌មាន Anadolu Agency នៅថ្ងៃទី៦ ខែឧសភា។
ប្រធានាធិបតីMasoud Pezeshkian បញ្ជាក់ថា អ៊ីរ៉ង់រួចរាល់ក្នុងការចរចា និងអនុញ្ញាតឱ្យមានការត្រួតពិនិត្យអន្តរជាតិ។ ប៉ុន្តែគាត់ក៏រិះគន់អាមេរិកថា នៅតែដាក់សម្ពាធ ខណៈដែលកំពុងអំពាវនាវឱ្យចរចា។
អ៊ីរ៉ង់បន្ថែមថា ខ្លួនមិនចង់មានសង្គ្រាមទេ ហើយចង់ដោះស្រាយបញ្ហាតាមការសន្ទនា។ ខណៈនេះ អ៊ីរ៉ាក់ក៏ត្រៀមជួយសម្របសម្រួលការចរចារវាងភាគីទាំងពីរ៕