នៅថ្ងៃទី៦ ខែឧសភា ឆ្នាំ២០២៦ កងទ័ពអ៊ីស្រាអែលបានចេញការព្រមានឱ្យប្រជាជននៅភូមិចំនួន១២ក្នុងភាគខាងត្បូងប្រទេសលីបង់ជម្លៀសចេញភ្លាមៗ មុនការវាយប្រហារ។ អ្នកនាំពាក្យយោធាបានណែនាំឱ្យប្រជាជនផ្លាស់ទីឲ្យឆ្ងាយយ៉ាងហោចណាស់ ១ គីឡូម៉ែត្រពីតំបន់គោលដៅ។
ប្រភពពីសារព័ត៌មានAnadolu Agency។
ការប្រកាសនេះកើតឡើងទោះបីមានបទឈប់បាញ់ដែលបានចាប់ផ្តើមថ្ងៃទី ១៧ ខែមេសា និងពន្យារពេលដល់ថ្ងៃទី ១៧ ខែឧសភាក៏ដោយ ខណៈការវាយប្រហាររបស់អ៊ីស្រាអែលនៅតែបន្តជារៀងរាល់ថ្ងៃ និងបំផ្លាញផ្ទះសម្បែងយ៉ាងទូលំទូលាយ។
តាមទិន្នន័យផ្លូវការ ចាប់ពីដើមខែមីនា មនុស្ស ២,៧០២ នាក់ត្រូវបានសម្លាប់ និងជាង ៨,៣០០ នាក់រងរបួស ខណៈប្រជាជនប្រហែល ១,៦ លាននាក់ត្រូវបានផ្លាស់ទីលំនៅ។
បច្ចុប្បន្ន អ៊ីស្រាអែលនៅតែគ្រប់គ្រងតំបន់ខ្លះនៅភាគខាងត្បូងលីបង់ និងបានរុលចូលក្នុងដែនដីប្រហែល ១០ គីឡូម៉ែត្រ ក្នុងអំឡុងជម្លោះកំពុងបន្ត៕