បន្ទាប់ពីការប៉ះទង្គិចគ្នា រវាងកងកម្លាំងអ៊ីរ៉ង់និងសហរដ្ឋអាមេរិក នៅច្រកសមុទ្រ Hormuz។
អ្នកនាំពាក្យក្រសួងការបរទេសអ៊ីរ៉ង់លោក Esmaeil Baghaei បានព្រមាននៅថ្ងៃសុក្រទី០៨.០៥.២០២៦ថា”ចង្កូមរបស់សត្វតោកំពុងបញ្ចេញ កុំគិតថាសត្វតោកំពុងញញឹម”។
សារព័ត៌មាន Iran International។
លោក Baghaeiបានសរសេរនៅលើ X ថា”ប្រសិនបើអ្នកឃើញចង្កូមរបស់សត្វតោកំពុងបញ្ចេញ កុំគិតថាសត្វតោកំពុងញញឹម”។
ការបង្ហោះនេះបានកើតឡើង បន្ទាប់ពីកងកម្លាំងអ៊ីរ៉ង់ និងសហរដ្ឋអាមេរិកបានបាញ់ប្រហារគ្នា។
រំលោភលើបទឈប់បាញ់ រយៈពេលមួយខែ ដែលទាក់ទងនឹងជម្លោះដែលបានចាប់ផ្តើមជាមួយនឹងការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់នៅចុងខែកុម្ភៈ។
ប្រធានាធិបតីអាមេរិកលោក Donald Trump បាននិយាយថា នាវាពិឃាតកងទ័ពជើងទឹកអាមេរិកចំនួនបីគ្រឿងត្រូវបានវាយប្រហារខណៈពេលកំពុងឆ្លងកាត់ច្រកសមុទ្រ Hormuz ។
ខណៈដែលយោធាអ៊ីរ៉ង់បានចោទប្រកាន់ទីក្រុងវ៉ាស៊ីនតោនពីបទវាយប្រហារនាវាអ៊ីរ៉ង់៕