សកម្មជននៅលើនាវាជំនួយGlobal Sumud ដែលធ្វើដំណើរទៅកាន់តំបន់ហ្គាហ្សា បានអះអាងថាពួកគេត្រូវបានកងកម្លាំងអ៊ីស្រាអែលវាយដំ ចងដៃ បិទភ្នែក និងយាយីផ្លូវភេទ បន្ទាប់ពីនាវាត្រូវបានស្ទាក់ចាប់នៅដែនទឹកអន្តរជាតិ។
ប្រភពពីសារព័ត៌មានTRT World នៅថ្ងៃទី៩ខែឧសភា។
ប្រធានគណៈកម្មាធិការអន្តរជាតិ បាននិយាយថាសកម្មជនមួយចំនួនបានផ្តល់សក្ខីកម្មអំពី អំពើហិង្សាផ្លូវភេទ ការយាយី និងការវាយប្រហារក្នុងអំឡុងពេលឃុំខ្លួន។
លោកបានចោទអ៊ីស្រាអែលថា កំពុងប្រព្រឹត្តការរំលោភសេចក្តីថ្លៃថ្នូរមនុស្ស” និងរិះគន់សហគមន៍អន្តរជាតិ ជាពិសេស European Union ដែលមិនមានប្រតិកម្មខ្លាំងចំពោះហេតុការណ៍នេះ៕