ខណៈការចរចាររវាងអ៊ីរ៉ង់និងសហរដ្ឋអាមេរិកកំពុងឈានដល់ដំណាក់កាលសំខាន់ ក្រុមអ្នកជ្រុលនិយមដែលមានឥទ្ធិពលមួយនៅក្នុងអ៊ីរ៉ង់បានបង្កើនការប្រឆាំងចំពោះកិច្ចព្រមព្រៀងថ្មីជាមួយទីក្រុងវ៉ាស៊ីនតោន។ ក្រុមនេះជឿថា កិច្ចព្រមព្រៀងនុយក្លេអ៊ែរឆ្នាំ 2015 គឺជាកំហុស និងអះអាងថា អ៊ីរ៉ង់មិនគួរជឿទុកចិត្តលើលោកខាងលិចឡើយ។
ប្រភពពីសារព័ត៌មានCNN នៅថ្ងៃទី៩ខែឧសភា។
អ្នកជ្រុលនិយមទាំងនេះបានធ្វើយុទ្ធនាការតាមប្រព័ន្ធផ្សព្វផ្សាយ សភា និងការជួបជុំសាធារណៈ ដើម្បីទប់ស្កាត់ការសម្របសម្រួលជាមួយអាមេរិក។ ពួកគេអះអាងថា មានតែការបង្ហាញកម្លាំង និងការប្រឆាំងសហរដ្ឋអាមេរិកប៉ុណ្ណោះ ដែលអាចធ្វើឱ្យអ៊ីរ៉ង់ទទួលបានលក្ខខណ្ឌល្អក្នុងការចរចា។
បញ្ហានេះបង្ហាញពីការបែកបាក់ផ្ទៃក្នុងនៅអ៊ីរ៉ង់ ខណៈរដ្ឋាភិបាលកំពុងព្យាយាមរកដំណោះស្រាយការទណ្ឌកម្ម និងបន្ថយភាពតានតឹងជាមួយលោកខាងលិច៕