កងទ័ពស៊ូដង់ ប្រកាសថា ខ្លួនបានដណ្តើមគ្រប់គ្រងតំបន់ចំនួន៣នៅរដ្ឋ Blue Nile ភាគអាគ្នេយ៍ប្រទេសស៊ូដង់ បន្ទាប់ពីមានការប៉ះទង្គិចជាមួយកម្លាំងRSF និងសម្ព័ន្ធមិត្ត SPLM-N។
ប្រភពពីសារព័ត៌មានAnadolu Agency នៅថ្ងៃទី២៧ ខែឧសភា។
យោធាបាននិយាយថា ខ្លួនបានសម្អាតតំបន់ទាំងនោះ និងរឹបអូសយានយន្តប្រយុទ្ធជាច្រើន ព្រមទាំងបន្តដេញកម្លាំងសត្រូវទៅជិតព្រំដែនប្រទេសជិតខាង។
ការប៉ះទង្គិចនៅរដ្ឋ Blue Nile កំពុងកើនឡើងខ្លាំងក្នុងប៉ុន្មានខែចុងក្រោយ ហើយបានបណ្តាលឱ្យជនស៊ីវិលជាច្រើនពាន់នាក់ភៀសខ្លួន៕
