កងទ័ពអ៊ីស្រាអែល និយាយថា គ្រាប់ផ្លោងមួយ ដែលបាញ់ចេញពីប្រទេសលីបង់ បានធ្លាក់ចូលតំបន់ទំនេរនៅភាគខាងជើងអ៊ីស្រាអែល ដោយមិនបង្ករបួសដល់មនុស្សទេ។
ប្រភពពីសារព័ត៌មានAnadolu Agency នៅថ្ងៃទី២៧ខែឧសភា។
មុននេះស៊ីរ៉ែនព្រមាន បានបន្លឺឡើងនៅទីក្រុង Kiryat Shmona និងតំបន់ជិតខាង បន្ទាប់ពីរកឃើញការបាញ់ចេញពីលីបង់។
យោធាអ៊ីស្រាអែលបានបញ្ជាក់ថា ខ្លួនបានកំណត់អត្តសញ្ញាណគ្រាប់ផ្លោងមួយគ្រាប់ឆ្លងព្រំដែន មុននឹងធ្លាក់ចុះ។
ហេតុការណ៍នេះកើតឡើងបន្ទាប់ពីមានការរាយការណ៍ថា យន្តហោះដ្រូនវាយប្រហារជាច្រើនរបស់ក្រុម Hezbollah បានបាញ់ចូលអ៊ីស្រាអែលក្នុងថ្ងៃមុនៗ ដែលធ្វើឱ្យភាពតានតឹងតាមព្រំដែនកាន់តែកើនឡើង៕
