កាសែត Wall Street Journal (WSJ) បានរាយការណ៍ថា អារ៉ាប់រួម (UAE) បានធ្វើការវាយប្រហារតាមអាកាសជាច្រើនលើអ៊ីរ៉ង់ដោយសម្ងាត់ ក្នុងអំឡុងដំណាក់កាលដំបូងនៃសង្គ្រាមដែលពាក់ព័ន្ធនឹងសហរដ្ឋអាមេរិក និងអ៊ីស្រាអែល។
ប្រភពពីសារព័ត៌មានAnadolu Agency នៅថ្ងៃទី៣០ខែឧសភា។
WSJ បញ្ជាក់ថា ការវាយប្រហារមួយចំនួនត្រូវបានធ្វើឡើងជាការសងសឹកចំពោះការវាយប្រហាររបស់អ៊ីរ៉ង់លើហេដ្ឋារចនាសម្ព័ន្ធប្រេង និងឧស្ម័នរបស់អារ៉ាប់រួម។ របាយការណ៍ក៏បានឲ្យដឹងថា ការចូលរួមផ្នែកយោធារបស់អារ៉ាប់រួមបានបង្កភាពតានតឹងជាមួយអារ៉ាប៊ីសាអូឌីត និងបង្កការព្រួយបារម្ភអំពីស្ថិរភាពទីផ្សារប្រេងពិភពលោក។
ជាមួយគ្នានេះ អារ៉ាប់រួមត្រូវបានរាយការណ៍ថាបានពង្រឹងកិច្ចសហប្រតិបត្តិការសន្តិសុខជាមួយអ៊ីស្រាអែល ខណៈអ៊ីស្រាអែលបានដាក់ពង្រាយប្រព័ន្ធការពារដែនអាកាស Iron Dome និងកងកម្លាំងមួយចំនួនទៅកាន់តំបន់ឈូងសមុទ្រអំឡុងពេលជម្លោះ៕
