ប្រធានាធិបតីអាមេរិក លោកDonald Trump បាននិយាយថាលោកនឹងសម្រេចចិត្តចុងក្រោយលើកិច្ចព្រមព្រៀងជាមួយអ៊ីរ៉ង់ ដើម្បីបញ្ចប់សង្គ្រាម។ ខណៈអ៊ីរ៉ង់បញ្ជាក់ថា ការចរចានៅតែបន្ត ប៉ុន្តែមិនទាន់មានកិច្ចព្រមព្រៀងច្បាស់លាស់នៅឡើយ។
ប្រភពពីសារព័ត៌មានAl Jazeera នៅថ្ងៃទី៣០ខែឧសភា។
ទន្ទឹមនឹងនេះ អ៊ីស្រាអែលបានពង្រីកប្រតិបត្តិការយោធានៅប្រទេសលីបង់ ដែលបណ្តាលឱ្យមានជនស៊ីវិលស្លាប់ និងរបួសជាច្រើន។ អង្គការ UNICEF បានរាយការណ៍ថា កុមារ 15 នាក់ស្លាប់ និង 62 នាក់រងរបួសក្នុងរយៈពេលមួយសប្តាហ៍។
ស្របពេលជាមួយគ្នា អាជ្ញាធរបារាំងកំពុងស៊ើបអង្កេតលើការចោទប្រកាន់ថា ជនជាតិបារាំងដែលត្រូវបានចាប់ខ្លួនដោយកងកម្លាំងអ៊ីស្រាអែល ក្នុងពេលបេសកកម្មជំនួយទៅកាន់ហ្គាហ្សា បានរងអំពើហិង្សា និងការរំលោភបំពាន៕
