ជនភៀសខ្លួនស៊ីរី៩នាក់ត្រូវបានសម្លាប់ បន្ទាប់ពីការវាយប្រហារតាមអាកាសរបស់អ៊ីស្រាអែលលើផ្ទះសម្បែងមួយនៅទីក្រុង Adloun ភាគខាងត្បូងប្រទេសលីបង់។
ប្រភពពីសារព័ត៌មានTRT World នៅថ្ងៃទី៣១ខែឧសភា។
យោងតាមទីភ្នាក់ងារសារព័ត៌មានរដ្ឋលីបង់ NNA យន្តហោះចម្បាំងអ៊ីស្រាអែលបានទម្លាក់គ្រាប់បែកលើផ្ទះដែលមានជនស៊ីវិលរស់នៅ។ ក្រសួងសុខាភិបាលលីបង់បានបញ្ជាក់ថា សាកសពទាំង៩ដែលត្រូវបានទាញចេញពីគំនរបាក់បែក គឺជាសមាជិកគ្រួសារតែមួយ។
ការវាយប្រហារនេះបានបង្កការព្រួយបារម្ភជាថ្មីអំពីសុវត្ថិភាពជនស៊ីវិល និងជនភៀសខ្លួនដែលកំពុងរស់នៅក្នុងតំបន់ជម្លោះ៕
