កងទ័ពអ៊ីស្រាអែលបានប្រកាសថា ខ្លួនកំពុងធ្វើប្រតិបត្តិការយោធាទ្រង់ទ្រាយធំនៅភាគខាងត្បូងប្រទេសលីបង់ ដើម្បីវាយប្រហារក្រុមHezbollah។
ប្រភពពីសារព័ត៌មានAnadolu Agency នៅថ្ងៃទី៣១ខែឧសភា។
អ៊ីស្រាអែលអះអាងថា កងទ័ពរបស់ខ្លួនបានឆ្លងកាត់ទន្លេ Litani និងរុលចូលកាន់តែជ្រៅទៅក្នុងទឹកដីលីបង់ ជាពិសេសនៅតំបន់ជុំវិញទីក្រុង Nabatieh ដែលជាតំបន់មានឥទ្ធិពលរបស់ Hezbollah។
ការវាយលុកនេះកើតឡើង ទោះបីមានបទឈប់បាញ់ដែលត្រូវបានពន្យារពេលរួចហើយក៏ដោយ។ មកដល់ពេលនេះ ភាគីលីបង់មិនទាន់ឆ្លើយតបជាផ្លូវការចំពោះការអះអាងរបស់អ៊ីស្រាអែលនៅឡើយ។
ក្រសួងសុខាភិបាលលីបង់ឱ្យដឹងថា ការវាយប្រហាររបស់អ៊ីស្រាអែលចាប់តាំងពីខែមីនាមក បានសម្លាប់មនុស្សជាង ៣,៣៧០ នាក់៕
