អាជ្ញាធរអាមេរិក បានបញ្ជាក់ថាចំនួនអ្នកស្លាប់ដោយសារការផ្ទុះធុងគីមីនៅរោងចក្រក្រដាស Nippon Dynawave Packaging ក្នុងទីក្រុង Longview រដ្ឋវ៉ាស៊ីនតោន បានកើនដល់១១នាក់ បន្ទាប់ពីក្រុមជួយសង្គ្រោះរកឃើញសាកសពកម្មករបាត់ខ្លួនទាំងអស់។
ប្រភពពីសារព័ត៌មានTRT World នៅថ្ងៃទី៣១ខែឧសភា។
ហេតុការណ៍នេះបានកើតឡើងកាលពីថ្ងៃអង្គារ នៅពេលធុងផ្ទុកសារធាតុគីមីស្រាសដែលប្រើក្នុងដំណើរការផលិតក្រដាស បានផ្ទុះយ៉ាងខ្លាំង។ ដំបូងឡើយ អាជ្ញាធរបានបញ្ជាក់អ្នកស្លាប់២នាក់ ខណៈកម្មករ៩នាក់ទៀតបានបាត់ខ្លួន។
អាជ្ញាធរកំពុងបន្តស៊ើបអង្កេតមូលហេតុនៃការផ្ទុះ ខណៈគ្រោះថ្នាក់នេះត្រូវបានចាត់ទុកថាជាឧបទ្ទវហេតុឧស្សាហកម្មដ៏ធ្ងន់ធ្ងរមួយនៅក្នុងរដ្ឋវ៉ាស៊ីនតោន៕
