កងទ័ពអ៊ីស្រាអែល បានសម្រេចផ្អាកការសិក្សា បិទឆ្នេរ និងកំណត់ការជួបជុំសាធារណៈនៅតំបន់ជិតព្រំដែនលីបង់ ដោយសារភាពតានតឹងកើនឡើងជាមួយក្រុម Hezbollah។
ប្រភពពីសារព័ត៌មានAnadolu Agency នៅថ្ងៃទី៣១ខែឧសភា។
អាជ្ញាធរបានណែនាំឱ្យប្រជាពលរដ្ឋស្នាក់នៅជិតជម្រកសុវត្ថិភាព ខណៈដែលមានការព្រួយបារម្ភពីការវាយប្រហារបន្ថែម។ សេចក្តីប្រកាសនេះកើតឡើងនៅពេលអ៊ីស្រាអែលកំពុងពង្រីកប្រតិបត្តិការយោធានៅភាគខាងត្បូងលីបង់។
ជាមួយគ្នានេះ ក្រុម Hezbollah បានបង្កើនការវាយប្រហារទៅលើភាគខាងជើងអ៊ីស្រាអែល ដោយអះអាងថា ជាការឆ្លើយតបចំពោះការរំលោភបទឈប់បាញ់របស់អ៊ីស្រាអែល៕
