កាលពីថ្ងៃទី១ ខែមិថុនា មនុស្ស២នាក់បានស្លាប់ អំឡុងការតវ៉ានៅកណ្តាលប្រទេសកេនយ៉ា ប្រឆាំងនឹងគម្រោងបង្កើតកន្លែងដាក់អ្នកជំងឺអេបូឡា ដែលគាំទ្រដោយសហរដ្ឋអាមេរិក។ មូលហេតុនៃការស្លាប់នៅមិនទាន់ត្រូវបានបញ្ជាក់នៅឡើយ ខណៈអាជ្ញាធរកំពុងស៊ើបអង្កេត។
ប្រភពពីសារព័ត៌មានTRT World។
ការតវ៉ានេះកើតឡើងបន្ទាប់ពីរដ្ឋាភិបាលកេនយ៉ាបានយល់ព្រមឱ្យសហរដ្ឋអាមេរិកបង្កើតមជ្ឈមណ្ឌលមួយនៅមូលដ្ឋានទ័ពអាកាសកណ្តាលប្រទេស សម្រាប់ទទួលជនជាតិអាមេរិកដែលអាចប៉ះពាល់នឹងជំងឺអេបូឡា។
ប្រធានាធិបតី William Ruto បានការពារគម្រោងនេះ ដោយនិយាយថា វាជាផ្នែកនៃផែនការត្រៀមទប់ស្កាត់ជំងឺឆ្លង និងកិច្ចសហប្រតិបត្តិការសុខាភិបាលរយៈពេលវែងរវាងកេនយ៉ា និងសហរដ្ឋអាមេរិក។
ទោះជាយ៉ាងណា ប្រជាពលរដ្ឋមួយចំនួនបារម្ភថា គម្រោងនេះអាចបង្កហានិភ័យសុខភាព និងសុវត្ថិភាព ដោយនាំឱ្យមានការតវ៉ាដែលបានបញ្ចប់ដោយអំពើហិង្សា និងការបាត់បង់ជីវិត៕
