លីបង់ និងអ៊ីស្រាអែល បានព្រមព្រៀងបន្តបទឈប់បាញ់ និងបង្កើតតំបន់មួយនៅភាគខាងត្បូងលីបង់ ដែលនឹងស្ថិតក្រោមការគ្រប់គ្រងរបស់កងទ័ពលីបង់តែប៉ុណ្ណោះ។
ប្រភពពីសារព័ត៌មានAnadolu Agency នៅថ្ងៃទី៤ខែមិថុនា។
កិច្ចព្រមព្រៀងនេះកំណត់ថា ក្រុមហេសបូឡាត្រូវបញ្ឈប់ការបាញ់ប្រហារ និងដកកម្លាំងចេញពីតំបន់ខាងត្បូងទន្លេលីតានី។ ភាគីទាំងពីរនឹងបន្តចរចានៅខែមិថុនា ដើម្បីស្វែងរកកិច្ចព្រមព្រៀងសន្តិភាពរយៈពេលវែង។
ការព្រមព្រៀងនេះកើតឡើងបន្ទាប់ពីការប្រយុទ្ធគ្នាជាច្រើនសប្តាហ៍ ដែលបណ្តាលឱ្យមនុស្សរាប់ពាន់នាក់ស្លាប់នៅលីបង់ ទោះបីមានបទឈប់បាញ់រួចហើយក៏ដោយ៕
