យ៉ាងហោចណាស់ជនជាតិប៉ាឡេស្ទីន៩នាក់បានស្លាប់ និង២០នាក់រងរបួស បន្ទាប់ពីការវាយប្រហារតាមអាកាសរបស់អ៊ីស្រាអែលលើតំបន់ផ្សេងៗក្នុងទីក្រុងហ្គាហ្សាកាលពីយប់មិញ។
ប្រភពពីសារព័ត៌មានAnadolu Agency នៅថ្ងៃទី៤ខែមិថុនា។
ប្រភពក្នុងស្រុកបានឱ្យដឹងថា ការវាយប្រហារបានកំណត់គោលដៅលើអគារលំនៅដ្ឋាននៅតំបន់ Shati, Sheikh Ridwan, Tel al-Hawa និង Muhabarat។ ក្នុងចំណោមជនរងគ្រោះ មានសមាជិកគ្រួសារមួយ៥នាក់ត្រូវបានសម្លាប់ បន្ទាប់ពីអគារអាផាតមិនរបស់ពួកគេត្រូវគ្រាប់បែកវាយប្រហារ។
មន្ត្រីប៉ាឡេស្ទីនអះអាងថា ការវាយប្រហារនេះជាការរំលោភលើបទឈប់បាញ់ដែលនៅមានសុពលភាព ខណៈចំនួនអ្នកស្លាប់នៅហ្គាហ្សាចាប់តាំងពីសង្គ្រាមផ្ទុះឡើងក្នុងឆ្នាំ ២០២៣ ត្រូវបានរាយការណ៍ថាកើនដល់ជិត ៧៣,០០០ នាក់៕
