រដ្ឋមន្ត្រីការបរទេសអាមេរិក លោកMarco Rubio បាននិយាយថា វេណេស៊ុយអេឡាត្រូវឆ្លងកាត់៣ដំណាក់កាល គឺ ស្ថិរភាព, ការងើបឡើងវិញ និងការបោះឆ្នោត មុនអាចមានការបោះឆ្នោតដោយសេរីនិងយុត្តិធម៌។
ប្រភពពីសារព័ត៌មានAnadolu Agency កាលពីថ្ងៃទី៣ខែមិថុនា។
លោកបានបញ្ជាក់ថា មិនអាចកំណត់ថ្ងៃបោះឆ្នោតបានភ្លាមៗទេ ព្រោះត្រូវបង្កើតលក្ខខណ្ឌចាំបាច់ជាមុន ដូចជា សារព័ត៌មានឯករាជ្យ គណបក្សនយោបាយដែលអាចដំណើរការបាន និងគណៈកម្មការបោះឆ្នោតថ្មី។
លោក Rubio ក៏បានអំពាវនាវឱ្យមានការអត់ធ្មត់ ដោយអះអាងថា ប្រទេសមួយត្រូវការពេលវេលាដើម្បីស្ដារឡើងវិញបន្ទាប់ពីវិបត្តិនយោបាយ និងសង្គម៕
