កងកម្លាំងអ៊ីស្រាអែល បានបាញ់ផ្លោងទៅលើតំបន់មួយចំនួននៅភាគខាងត្បូងប្រទេសស៊ីរី និងបានរុលចូលទៅក្នុងតំបន់ជនបទភាគខាងលិចនៃខេត្ត Daraa។
ប្រភពពីសារព័ត៌មានTRT World នៅថ្ងៃទី៤ខែមិថុនា។
តាមរបាយការណ៍ កាំភ្លើងធំរបស់អ៊ីស្រាអែលបានបាញ់ទៅក្បែរភូមិ Saisoun ក្នុងខេត្ត Daraa និងតំបន់ជិតទំនប់ al Mantara ក្នុងខេត្ត Quneitra ដោយគ្រាប់ផ្លោងយ៉ាងហោចណាស់២គ្រាប់បានធ្លាក់នៅក្បែរភូមិ Saisoun។
ការវាយប្រហារ និងសកម្មភាពយោធាទាំងនេះកើតឡើង ខណៈអ៊ីស្រាអែលបន្តប្រតិបត្តិការនៅក្នុងប្រទេសស៊ីរី បើទោះបីជារដ្ឋាភិបាលស៊ីរីថ្មីមិនបានបង្ហាញការគំរាមកំហែងដោយផ្ទាល់ចំពោះអ៊ីស្រាអែលក៏ដោយ៕
