យោធាសហរដ្ឋអាមេរិក បានវាយប្រហារលើទូកមួយនៅភាគខាងកើតមហាសមុទ្រប៉ាស៊ីហ្វិក ដែលត្រូវបានសង្ស័យថាពាក់ព័ន្ធនឹងការជួញដូរគ្រឿងញៀន បណ្តាលឱ្យបុរស២នាក់ស្លាប់។
ប្រភពពីសារព័ត៌មានTRT World នៅថ្ងៃទី៤ខែមិថុនា។
បញ្ជាការភាគខាងត្បូងរបស់សហរដ្ឋអាមេរិកបានអះអាងថា ទូកនេះកំពុងធ្វើដំណើរតាមផ្លូវរត់ពន្ធគ្រឿងញៀនដែលគេស្គាល់ និងពាក់ព័ន្ធនឹងសកម្មភាពជួញដូរគ្រឿងញៀន។ វីដេអូដែលត្រូវបានផ្សព្វផ្សាយលើបណ្តាញសង្គម X បង្ហាញទូកកំពុងបើកល្បឿនលឿន មុនពេលផ្ទុះឆេះ។
ការវាយប្រហារនេះគឺជាផ្នែកមួយនៃយុទ្ធនាការរបស់រដ្ឋបាលលោក Trump ក្នុងការបង្ក្រាបក្រុមជួញដូរគ្រឿងញៀននៅអាមេរិកឡាទីន៕
