មេដឹកនាំកូរ៉េខាងជើង លោកKim Jong Un បានប្រកាសថា ប្រទេសរបស់លោកនឹងបង្កើនសមត្ថភាពអាវុធនុយក្លេអ៊ែរឱ្យកាន់តែលឿនថែមទៀត។ លោកអះអាងថា ការផលិតសម្ភារៈនុយក្លេអ៊ែរសម្រាប់ផលិតអាវុធបានកើនឡើងទ្វេដងក្នុងរយៈពេល៥ឆ្នាំចុងក្រោយ។
ប្រភពពីសារព័ត៌មានTRT World នៅថ្ងៃទី៤ខែមិថុនា។
លោកគីមបានបញ្ជាក់ថា កូរ៉េខាងជើងមានផែនការពង្រឹងកម្លាំងនុយក្លេអ៊ែរយ៉ាងធំធេង ដើម្បីការពារប្រទេសពីការគំរាមកំហែងពីអាមេរិកនិងកូរ៉េខាងត្បូង។
រដ្ឋាភិបាលក្រុង Pyongyang ក៏បានបញ្ជាក់ជាថ្មីថា ខ្លួននឹងមិនបោះបង់កម្មវិធីអាវុធនុយក្លេអ៊ែរឡើយ ទោះបីជាមានសម្ពាធពីអន្តរជាតិក៏ដោយ៕
