យន្តហោះគ្មានមនុស្សបើក របស់កងម៉ារីនមួយគ្រឿង បានផ្ទុះដោយខ្លួនឯងនៅថ្ងៃសុក្រទី០៥.០៦.២០២៦ នៅកំពង់ផែសមុទ្រខ្មៅConstanta របស់ប្រទេសរ៉ូម៉ានី នៅជិតស្ថានីយប្រេងមួយ ប៉ុន្តែមិនបណ្តាលឱ្យមានអ្នកស្លាប់ និងរបួសនោះទេ។
ខណៈដែលអ៊ុយក្រែន បានចោទប្រកាន់រុស្ស៊ីថា បានបង្កគ្រោះថ្នាក់ដល់នាវាមួយគ្រឿង របស់ខ្លួនមុនពេលវារសាត់ចូលទៅក្នុងដែនទឹករ៉ូម៉ានី។
សារព័ត៌មាន(រ៉យទ័រ)។
ការផ្ទុះនេះគឺជាឧប្បត្តិហេតុធំលើកទីពីរនៅក្នុងតំបន់ ដែលមានប្រជាជនរស់នៅច្រើននៅក្នុងប្រទេសរ៉ូម៉ានី នៅលើផ្នែកខាងកើតរបស់ណាតូ។
ក្នុងរយៈពេលត្រឹមតែមួយសប្តាហ៍ប៉ុណ្ណោះ ខណៈដែលការគំរាមកំហែងនៃការហៀរចេញពីសង្គ្រាមនៅ
អ៊ុយក្រែន ដែលបានប្រយុទ្ធប្រឆាំងនឹងការឈ្លានពានរបស់រុស្ស៊ីទ្រង់ទ្រាយធំចាប់តាំងពីឆ្នាំ2022។
កងទ័ពជើងទឹកអ៊ុយក្រែន បាននិយាយថា យន្តហោះគ្មានមនុស្សបើករបស់កងទ័ពជើងទឹកមួយគ្រឿង របស់ខ្លួនបានបាត់បង់ការគ្រប់គ្រង។
ខណៈពេលកំពុងបំពេញបេសកកម្មនៅសមុទ្រខ្មៅ ជាលទ្ធផលនៃសង្គ្រាមអេឡិចត្រូនិករបស់រុស្ស៊ី ហើយបានរសាត់ឆ្ពោះទៅឆ្នេរសមុទ្រ។
ទាក់ទងភាគីរ៉ូម៉ានី ដើម្បីព្រមានពួកគេ និងការពារការស្លាប់ និងរបួស នេះបើយោងតាមការចុះផ្សាយរបស់កាសែត។
ការផ្ទុះនេះបានកើតឡើងមួយសប្តាហ៍បន្ទាប់ពីអាជ្ញាធរ បាននិយាយថា យន្តហោះគ្មានមនុស្សបើក របស់រុស្ស៊ីមួយគ្រឿង បានធ្លាក់ចូលទៅក្នុងអគារអាផាតមិនមួយនៅក្នុងទីក្រុង Galati ភាគអាគ្នេយ៍នៃប្រទេសរ៉ូម៉ានី ជិតព្រំដែនជាមួយអ៊ុយក្រែន។
បណ្តាលឱ្យមនុស្សពីរនាក់រងរបួស នេះជាលើកដំបូងក្នុងសង្គ្រាមដែលយន្តហោះគ្មានមនុស្សបើកមួយគ្រឿងបានវាយប្រហារតំបន់ដែលមានប្រជាជនរស់នៅច្រើនកុះករនៅក្នុងរដ្ឋ NATO៕
