ទីប្រឹក្សាយោធាជាន់ខ្ពស់របស់មេដឹកនាំកំពូលអ៊ីរ៉ង់ លោក Mohsen Rezaei បានអះអាងថា អ៊ីរ៉ង់បានត្រៀមមីស៊ីលរួចជាស្រេច ដើម្បីឆ្លើយតបប្រសិនបើអ៊ីស្រាអែលបង្កើនសកម្មភាពយោធាប្រឆាំងនឹងលីបង់។ ការព្រមាននេះកើតឡើងបន្ទាប់ពីអ៊ីស្រាអែលបានគំរាមពង្រីកការវាយប្រហារជុំវិញតំបន់ជាយក្រុងភាគខាងត្បូងនៃទីក្រុងបេរូត។
ប្រភពពីសារព័ត៌មានTRT World នៅថ្ងៃទី៥ខែមិថុនា។
លោក Rezaei បានចោទប្រកាន់អ៊ីស្រាអែលថាកំពុងប្រើសម្ពាធយោធានៅលីបង់ ដើម្បីបង្កើនឥទ្ធិពលក្នុងការចរចាពាក់ព័ន្ធនឹងអ៊ីរ៉ង់ ហើយបានបញ្ជាក់ថា តេអេរ៉ង់នឹងបន្តគាំទ្រក្រុមហេសបូឡា ដែលជាសម្ព័ន្ធមិត្តសំខាន់របស់ខ្លួននៅលីបង់៕
