កាលពីថ្ងៃទី៥ ខែមិថុនា អាជ្ញាធរនេប៉ាល់កំពុងរងសម្ពាធជុំវិញឱ្យបើកការស៊ើបអង្កេតឯករាជ្យមួយ បន្ទាប់ពីអ្នកណែនាំឡើងភ្នំ (Sherpa) ម្នាក់បានរស់រានមានជីវិតដោយអស្ចារ្យ ក្រោយត្រូវបានគេបោះបង់ចោលនៅលើភ្នំអេវឺរ៉េសអស់រយៈពេល៦ថ្ងៃ។
ប្រភពពីសារព័ត៌មានAnadolu Agency។
លោក Dawa Sherpa អាយុ៥២ ឆ្នាំ ត្រូវបានក្រុម Sherpa ដែលកំពុងចូលរួមយុទ្ធនាការប្រមូលសំរាមលើភ្នំប្រទះឃើញនៅជិតផ្លូវចុះពីកំពូលភ្នំ ហើយត្រូវបានជួយសង្គ្រោះ និងដឹកតាមឧទ្ធម្ភាគចក្រទៅព្យាបាល។
ករណីនេះបានបង្កឱ្យមានការរិះគន់យ៉ាងខ្លាំងលើសុវត្ថិភាព និងការទទួលខុសត្រូវរបស់ប្រតិបត្តិករទេសចរណ៍ឡើងភ្នំនៅលើភ្នំអេវឺរ៉េស ខណៈសាធារណជនទាមទារឱ្យមានការស៊ើបអង្កេតច្បាស់លាស់លើហេតុការណ៍នេះ៕
