កងទ័ពការពារដែនអាកាសរបស់ប្រទេសគុយវ៉ែតនិងបារ៉ែន បានប្រកាសថា ពួកគេកំពុងឆ្លើយតបទៅនឹងការគំរាមកំហែងដោយមីស៊ីល និងដ្រូន ខណៈសំឡេងស៊ីរ៉ែនបានបន្លឺឡើងនៅតំបន់មួយចំនួន ដើម្បីជំរុញឱ្យប្រជាពលរដ្ឋទៅកាន់ទីសុវត្ថិភាព និងអនុវត្តតាមការណែនាំរបស់អាជ្ញាធរ។
ប្រភពពីសារព័ត៌មានAnadolu Agency នៅថ្ងៃទី៦ខែមិថុនា។
យោធាគុយវ៉ែតបានបញ្ជាក់ថា សំឡេងផ្ទុះដែលបានឮគឺជាលទ្ធផលនៃប្រព័ន្ធការពារដែនអាកាសកំពុងស្ទាក់ចាប់គោលដៅអរិភាព ខណៈដែលបារ៉ែនក៏បានអំពាវនាវឱ្យប្រជាពលរដ្ឋរក្សាភាពស្ងប់ស្ងាត់ និងធ្វើតាមការណែនាំសុវត្ថិភាពយ៉ាងម៉ឺងម៉ាត់៕
