មេដឹកនាំកូរ៉េខាងជើង លោកKim Jong Un បានបញ្ជាឱ្យកងទ័ពជើងទឹកសាងសង់នាវាពិឃាតទម្ងន់ ១០,០០០ តោន និងអភិវឌ្ឍអាវុធក្រោមទឹកទំនើបៗ ដើម្បីបង្កើនសមត្ថភាពការពារជាតិ និងទប់ស្កាត់ការគំរាមកំហែងនុយក្លេអ៊ែរ។
ប្រភពពីសារព័ត៌មានAl Jazeera នៅថ្ងៃទី៦ខែមិថុនា។
តាមប្រព័ន្ធផ្សព្វផ្សាយរដ្ឋ លោកគីមបានត្រួតពិនិត្យការធ្វើតេស្តកងទ័ពជើងទឹក និងបានឡើងទស្សនានាវាពិឃាត Kang Kon ទម្ងន់៥,០០០តោន ព្រមទាំងនាវាចម្បាំង Choe Hyon មុនដំណើរទស្សនកិច្ចរបស់ប្រធានាធិបតីចិន Xi Jinping ទៅកាន់ក្រុងព្យុងយ៉ាងនៅថ្ងៃទី ៨-៩ ខែមិថុនា។
លោកគីមក៏បានអំពាវនាវឱ្យពង្រីកឃ្លាំងអាវុធនុយក្លេអ៊ែររបស់ កូរ៉េខាងជើង ឱ្យកើនឡើងយ៉ាងឆាប់រហ័ស និងបង្កើនសមត្ថភាពយោធាលើដី សមុទ្រ និងអាកាស៕
