រដ្ឋាភិបាលតៃវ៉ាន់បានស្នើវិសោធនកម្មច្បាប់ថ្មីមួយ ដែលនឹងកំណត់ទោសជាប់ពន្ធនាគារយ៉ាងតិច១ឆ្នាំ សម្រាប់អ្នកដែលគេចវេសការបម្រើយោធា។
ប្រភពពីសារព័ត៌មានTRT World នៅថ្ងៃទី១៤ខែមិថុនា។
តាមសំណើនេះ អ្នកដែលពន្យារពេល ឬព្យាយាមគេចពីការចូលបម្រើកងទ័ព នឹងត្រូវផ្តន្ទាទោសធ្ងន់ជាងមុន ដើម្បីទប់ស្កាត់អាកប្បកិរិយានេះ។
ក្រសួងមហាផ្ទៃតៃវ៉ាន់បាននិយាយថា ទោសបច្ចុប្បន្នមិនទាន់មានប្រសិទ្ធភាពគ្រប់គ្រាន់ទេ ហើយមានករណីថ្មីៗជាច្រើនពាក់ព័ន្ធនឹងអ្នកកម្សាន្ត និងយុវជនដែលព្យាយាមគេចពីកាតព្វកិច្ចយោធា។
តាមច្បាប់បច្ចុប្បន្ន អ្នកគេចវេសអាចប្រឈមទោសដល់ ៥ ឆ្នាំ ប៉ុន្តែវិសោធនកម្មថ្មីនេះមានគោលបំណងពង្រឹងការអនុវត្តច្បាប់ឲ្យតឹងរឹងជាងមុន៕
