យន្តហោះចម្បាំង KF-21 Boramae ដែលជាយន្តហោះចម្បាំងផលិតក្នុងស្រុកដំបូងរបស់កូរ៉េខាងត្បូង បានទទួលវិញ្ញាបនបត្រសុវត្ថិភាពហោះហើរពីរដ្ឋាភិបាល ដែលជាជំហានសំខាន់មួយឆ្ពោះទៅរកការដាក់ឱ្យប្រើប្រាស់ក្នុងប្រតិបត្តិការយោធា។
ប្រភពពីសារព័ត៌មានTRT World នៅថ្ងៃទី១៦ខែមិថុនា។
បើតាម Defense Acquisition Program Administration (DAPA) វិញ្ញាបនបត្រនេះត្រូវបានផ្តល់ជូនបន្ទាប់ពី KF-21 បានបញ្ចប់ការធ្វើតេស្តហោះហើរ និងការត្រួតពិនិត្យសុវត្ថិភាពជាបន្តបន្ទាប់ពីឆ្នាំ 2021 ដល់ 2026។
គណៈកម្មាធិការវាយតម្លៃបានបញ្ជាក់ថា យន្តហោះនេះបានបំពេញតាមតម្រូវការទាំង 745 ចំណុច ក្នុងការវាយតម្លៃ 14 ផ្នែក រួមមានរចនាសម្ព័ន្ធយន្តហោះ ប្រព័ន្ធអេឡិចត្រូនិក និងប្រព័ន្ធបច្ចេកវិទ្យាផ្សេងៗ។
ការទទួលបានវិញ្ញាបនបត្រនេះត្រូវបានចាត់ទុកថាជាជោគជ័យដ៏សំខាន់សម្រាប់ឧស្សាហកម្មការពារជាតិរបស់កូរ៉េខាងត្បូង និងជួយពង្រឹងសមត្ថភាពការពារអាកាសរបស់ប្រទេសនាពេលអនាគត៕
