នៅថ្ងៃអង្គារទី១៦ខែមិថុនា អាជ្ញាធររុស្ស៊ីបានឱ្យដឹងថា កម្ទេចកម្ទីយន្តហោះដ្រូនមួយបានធ្លាក់បង្កអគ្គីភ័យនៅឃ្លាំងប្រេងក្នុងភូមិ Poltavskaya នៃតំបន់ Krasnodar ភាគខាងត្បូងប្រទេស។
ប្រភពពីសារព័ត៌មានAnadolu Agency។
មន្ត្រីមូលដ្ឋានបញ្ជាក់ថា មិនមានអ្នកស្លាប់ ឬរងរបួសពីហេតុការណ៍នេះទេ។ ក្រុមសង្គ្រោះបន្ទាន់ 32 នាក់ និងរថយន្តឯកទេស 7 គ្រឿង ត្រូវបានបញ្ជូនទៅពន្លត់ភ្លើង និងគ្រប់គ្រងស្ថានការណ៍។
ដើម្បីធានាសុវត្ថិភាព អាជ្ញាធរបានបិទផ្លូវដែលតភ្ជាប់រវាងភូមិ Poltavskaya និង Trudobelikovsky ជាបណ្តោះអាសន្ន ខណៈក្រុមជំនាញកំពុងធ្វើការនៅកន្លែងកើតហេតុ។
រហូតមកដល់ពេលនេះ មិនទាន់មានព័ត៌មានបន្ថែមអំពីប្រភពដ្រូន ឬមូលហេតុច្បាស់លាស់នៃហេតុការណ៍នេះនៅឡើយទេ៕
