អ៊ីស្រាអែល កំពុងត្រៀមខ្លួនសម្រាប់លទ្ធភាពដែលសហរដ្ឋអាមេរិកនឹងស្នើឱ្យខ្លួនដកកងទ័ពជាបន្តបន្ទាប់ចេញពីតំបន់ខ្លះនៅភាគខាងត្បូងប្រទេសលីបង់។
ប្រភពពីសារព័ត៌មានAnadolu Agency នៅថ្ងៃទី២៣ខែមិថុនា។
តាមសារព័ត៌មានអ៊ីស្រាអែល KAN ភាគីអ៊ីស្រាអែល និងលីបង់នឹងបើកកិច្ចពិភាក្សាថ្មីក្រោមការសម្របសម្រួលរបស់អាមេរិក ដើម្បីពិភាក្សាអំពីការដកទ័ព និងការដាក់ពង្រាយកងទ័ពលីបង់នៅតំបន់ព្រំដែន។
មន្ត្រីអ៊ីស្រាអែលខ្លះបានបង្ហាញការព្រួយបារម្ភថា ការដកទ័ពលឿនពេកអាចធ្វើឱ្យក្រុមហេសបូឡាមើលឃើញថាជាជ័យជម្នះរបស់ខ្លួន។
ការវិវត្តនេះកើតឡើងបន្ទាប់ពីកិច្ចចរចារវាងអាមេរិក និងអ៊ីរ៉ង់នៅប្រទេសស្វីស ដែលបានពិភាក្សាអំពីការបញ្ចប់ភាពតានតឹងនៅតំបន់មជ្ឈិមបូព៌ា រួមទាំងស្ថានការណ៍នៅលីបង់ផងដែរ៕
