សហរដ្ឋអាមេរិកបានជូនដំណឹងទៅអ៊ីស្រាអែលថា ខ្លួនមិនអាចបន្តធ្វើប្រតិបត្តិការយោធានៅក្នុងប្រទេសលីបង់ដោយគ្មានដែនកំណត់ដូចមុនទៀតឡើយ។
ប្រភពពីសារព័ត៌មានAnadolu Agency នៅថ្ងៃទី២៣ខែមិថុនា។
តាមរបាយការណ៍ អាមេរិកបានដាក់លក្ខខណ្ឌថ្មីៗលើសកម្មភាពយោធារបស់អ៊ីស្រាអែល និងហាមឃាត់ការវាយប្រហារនៅតំបន់មួយចំនួន ដូចជា រដ្ឋធានីបេរូត និងទីក្រុងទីរ (Tyre) ភាគខាងត្បូងលីបង់។
ការផ្លាស់ប្តូរនេះបង្ហាញថា ទីក្រុងវ៉ាស៊ីនតោនចង់បន្ថយភាពតានតឹងនៅលីបង់ និងជំរុញដំណោះស្រាយតាមផ្លូវការទូត ជាជាងការប្រើកម្លាំងយោធា។
ប៉ុន្តែ អ៊ីស្រាអែលបារម្ភថា ប្រសិនបើខ្លួនកាត់បន្ថយសកម្មភាពយោធា ឬដកទ័ពចេញពីភាគខាងត្បូងលីបង់លឿនពេក នោះអាចធ្វើឱ្យក្រុម Hezbollah ចាត់ទុកថាជាជ័យជម្នះរបស់ខ្លួន និងមើលឃើញថា អ៊ីស្រាអែលកំពុងបង្ហាញភាពទន់ខ្សោយ៕
