ក្រសួងការពារជាតិអាមេរិក (Pentagon) បានកំណត់គោលដៅឱ្យយន្តហោះចម្បាំង F-35 ចំនួន80% អាចត្រៀមខ្លួនសម្រាប់បំពេញបេសកកម្មនៅឆ្នាំ 2030 បន្ទាប់ពីមានការព្រួយបារម្ភអំពីស្ថានភាពត្រៀមប្រតិបត្តិការរបស់កងយន្តហោះនេះ។
ប្រភពពីសារព័ត៌មានAnadolu Agency នៅថ្ងៃទី២៤ខែមិថុនា។
ឧត្តមសេនីយ៍ Gregory Masiello បានប្រាប់សភាអាមេរិកថា F-35 គឺជាយន្តហោះដ៏សំខាន់សម្រាប់កម្លាំងយោធាអាមេរិក និងសម្ព័ន្ធមិត្ត។ ប៉ុន្តែបញ្ហាធំមួយគឺ ប្រព័ន្ធថែទាំ និងផ្គត់ផ្គង់គ្រឿងបន្លាស់មិនទាន់អាចគាំទ្រចំនួនយន្តហោះដែលកើនឡើងយ៉ាងលឿនបាននៅឡើយ។
លោកបានបញ្ជាក់ថា បច្ចុប្បន្នមានយន្តហោះ F-35 ជាង 1,300 គ្រឿងកំពុងប្រើប្រាស់នៅទូទាំងពិភពលោក ខណៈប្រព័ន្ធគាំទ្រត្រូវបានបង្កើតឡើងសម្រាប់តែ 700 ទៅ 800 គ្រឿងប៉ុណ្ណោះ៕
