ប្រធានាធិបតីអាមេរិក លោកDonald Trump បានព្រមានថា ការចរចាការទូតរវាងសហរដ្ឋអាមេរិក និងអ៊ីរ៉ង់ នឹងត្រូវបញ្ចប់ភ្លាមៗ ប្រសិនបើទីក្រុងតេអេរ៉ង់ដាក់ថ្លៃ ឬពន្ធលើនាវាដែលឆ្លងកាត់ច្រកសមុទ្រHormuz។
ប្រភពពីសារព័ត៌មានTRT World នៅថ្ងៃទី២៤ខែមិថុនា។
លោកTrump អះអាងថា មន្ត្រីអ៊ីរ៉ង់បានធានាថា នឹងមិនមានការយកពន្ធ ថ្លៃធានារ៉ាប់រង ឬការគិតថ្លៃផ្សេងៗពីនាវាដែលធ្វើដំណើរឆ្លងកាត់ផ្លូវទឹកយុទ្ធសាស្ត្រនេះឡើយ។ លោកបានបញ្ជាក់ថា ប្រសិនបើព័ត៌មាននេះមិនពិត ការចរចានឹងត្រូវបញ្ឈប់ភ្លាម។
ជាមួយគ្នានេះ លោក Trump ក៏បានបញ្ជាក់ថា សហរដ្ឋអាមេរិកនឹងមិនផ្តល់សាច់ប្រាក់ដោយផ្ទាល់ដល់អ៊ីរ៉ង់ទេ ប៉ុន្តែអាចប្រើប្រាស់មូលនិធិអ៊ីរ៉ង់ដែលត្រូវបានគ្រប់គ្រង ដើម្បីទិញផលិតផលកសិកម្មអាមេរិក ដូចជា ពោត និងស្រូវសាលី សម្រាប់ផ្គត់ផ្គង់ដល់ប្រទេសអ៊ីរ៉ង់៕
