យុទ្ធនាការបោះឆ្នោតសភាដែលគ្រោងធ្វើនៅខែតុលា កំពុងក្តៅគគុក ខណៈមេដឹកនាំគណបក្សប្រឆាំងបានបង្កើនការរិះគន់លើនាយករដ្ឋមន្ត្រី លោកBenjamin Netanyahu។
ប្រភពពីសារព័ត៌មានTRT World នៅថ្ងៃទី១ខែកក្កដា។
អតីតប្រធានបុគ្គលិកយោធាអ៊ីស្រាអែល លោក Gadi Eisenkot ដែលបច្ចុប្បន្នដឹកនាំគណបក្ស Yashar បានប្រកាសចូលប្រកួតប្រជែងតំណែងនាយករដ្ឋមន្ត្រីជាផ្លូវការ ដោយសន្យាថានឹងផ្លាស់ប្តូររដ្ឋាភិបាល និងបង្កើតគណៈកម្មការស៊ើបអង្កេតឯករាជ្យលើការបរាជ័យផ្នែកសន្តិសុខកាលពីថ្ងៃទី៧ ខែតុលា។
ជាមួយគ្នានេះ អតីតនាយករដ្ឋមន្ត្រី Naftali Bennett ក៏បានរិះគន់លោក Netanyahu ដោយអះអាងថា លោកមិនអាចគ្រប់គ្រងរដ្ឋាភិបាលរបស់ខ្លួនបានទៀតឡើយ ព្រោះពឹងផ្អែកខ្លាំងលើរដ្ឋមន្ត្រីស្តាំនិយមជ្រុល Itamar Ben-Gvir និង Bezalel Smotrich៕
