នៅថ្ងៃទី១ ខែកក្កដា ឆ្នាំ២០២៦ មន្ត្រីប៉ូលីសអ៊ីរ៉ង់ម្នាក់ត្រូវបានបាញ់សម្លាប់ ក្នុងស្រុក Sib និង Suran ខេត្ត Sistan និង Baluchestan ភាគអាគ្នេយ៍ប្រទេសអ៊ីរ៉ង់ ខណៈកំពុងធ្វើដំណើរទៅបំពេញការងារ។
ប្រភពពីសារព័ត៌មានAnadolu Agency។
តាមប្រព័ន្ធផ្សព្វផ្សាយរដ្ឋអ៊ីរ៉ង់ ជនប្រដាប់អាវុធបានបើកការបាញ់ប្រហារលើអនុសេនីយ៍ឯក លោកMohammad Palangi បណ្តាលឱ្យលោកស្លាប់នៅកន្លែងកើតហេតុ។
អាជ្ញាធរអ៊ីរ៉ង់បានចាប់ផ្តើមប្រតិបត្តិការតាមចាប់ជនដៃដល់ និងអះអាងថានឹងបង្ហាញព័ត៌មានបន្ថែមនៅពេលក្រោយ។ មកទល់ពេលនេះ មិនទាន់មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះនៅឡើយទេ៕
