មេដឹកនាំកូរ៉េខាងជើង លោកKim Jong Un បានបញ្ជាក់ពីការប្តេជ្ញាបន្តពង្រឹងទំនាក់ទំនងជាមួយប្រទេសចិន នៅក្នុងសារអបអរសាទរផ្ញើជូនប្រធានាធិបតី លោមXi Jinping ក្នុងឱកាសខួបលើកទី១០៥ នៃការបង្កើតបក្សកុម្មុយនិស្តចិន។
ប្រភពពីសារព័ត៌មានAl jazeera នៅថ្ងៃទី១ខែកក្កដា។
តាមទីភ្នាក់ងារសារព័ត៌មានរដ្ឋ KCNA លោក គីម បានលើកឡើងថា កូរ៉េខាងជើងមានជំហរដ៏រឹងមាំក្នុងការអភិវឌ្ឍទំនាក់ទំនងមិត្តភាពជាមួយចិនជាបន្តបន្ទាប់ ដោយផ្អែកលើប្រវត្តិសាស្ត្រយូរអង្វែង និងគោលការណ៍សង្គមនិយមរួម។
លោក គីម ក៏បានពិពណ៌នាកិច្ចប្រជុំកំពូលនាពេលថ្មីៗនេះនៅទីក្រុងព្យុងយ៉ាងថា ជាឱកាសប្រវត្តិសាស្ត្រដែលបានពង្រឹងមិត្តភាព និងការជឿទុកចិត្តរវាងមេដឹកនាំទាំងពីរ ព្រមទាំងបញ្ជាក់ជាថ្មីពីឆន្ទៈរួមក្នុងការពង្រឹងទំនាក់ទំនងទ្វេភាគី៕
