នាយករដ្ឋមន្ត្រីអ៊ីស្រាអែល លោកBenjamin Netanyahu បាននិយាយថា លោកចង់កាត់បន្ថយ និងបញ្ឈប់ការទទួលជំនួយហិរញ្ញវត្ថុពីសហរដ្ឋអាមេរិកជាបណ្តើរៗក្នុងរយៈពេល១០ឆ្នាំ។
ប្រភពពីសារព័ត៌មានAnadolu Agency នៅថ្ងៃទី១ខែកក្កដា។
លោកបានបញ្ជាក់ថា សេដ្ឋកិច្ចអ៊ីស្រាអែលមានភាពរឹងមាំគ្រប់គ្រាន់ ដើម្បីទ្រទ្រង់ការចំណាយផ្នែកយោធា និងហិរញ្ញវត្ថុដោយខ្លួនឯង ដោយមិនចាំបាច់ពឹងផ្អែកលើជំនួយពីអាមេរិក។
ការលើកឡើងនេះកើតឡើង ខណៈទំនាក់ទំនងរវាងអ៊ីស្រាអែល និងសហរដ្ឋអាមេរិកមានភាពតានតឹងកាន់តែខ្លាំង ជាពិសេសជុំវិញគោលនយោបាយអាមេរិកចំពោះអ៊ីរ៉ង់៕
