គិតត្រឹមថ្ងៃទី០២.ខែកក្កដា.ឆ្នាំ២០២៦(ម៉ោងនៅកម្ពុជា) ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងក្លា កាលពីសប្តាហ៍មុន នៅក្នុងប្រទេសវេណេស៊ុយអេឡា បានកើនឡើងដល់២.២៩៥នាក់ និងរបួសជាង១១.០០០នាក់។
នេះបើយោងតាមការបញ្ជាក់ពីលោក Jorge Rodriguez ប្រធានរដ្ឋសភា វេណេស៊ុយអេឡា និងដកស្រង់ចុះផ្សាយដោយសារព័ត៌មានTRT។
លោកប្រធានរដ្ឋសភា បានមានប្រសាសន៍ថា តួលេខនៃអ្នករបួសសរុប អាចនិងឈាន ដល់២០.០០០នាក់។
ខណៈមនុស្សរាប់ពាន់នាក់ទៀត កំពុងកប់នៅក្រោមគំនរបាក់បែក ដោយអ្នកខ្លះ«អាចតស៊ូ ចេញពីកម្ទេចថ្មដោយខ្លួនឯង និងខ្លះទៀត ត្រូវមិត្តភក្តិនិងក្រុមគ្រួសារ ជួយសង្គ្រោះចេញពីក្រោមអគារ ដែលបានដួលរលំ។
សូមជម្រាបថា គ្រោះរញ្ជួយដីកម្រិត៧.២រ៉ិចទ័រ និងកម្រិត៧.៥រ៉ិចទ័រ បានវាយប្រហារប្រទេសវេណេស៊ុយអេឡា ប្រហែល៤០វិនាទី កាលពីល្ងាចថ្ងៃពុធទី២៤.០៦.២០២៦(ម៉ោងនៅក្នុងតំបន់) ត្រូវនឹងព្រឹកថ្ងៃទី២៥.០៦.២០២៦(ម៉ោងនៅកម្ពុជា)។
បណ្ដាលឱ្យអគារជាច្រើនត្រូវដួលរលំសង្កត់មនុស្សស្លាប់ និងបាត់ខ្លួនរាប់ម៉ឺននាក់..!។
*ជាមួយគ្នានេះ ប្រជាជនវេណេស៊ុយអេឡា បានសម្ដែងការឈឺចាប់ ដោយស្ដីបន្ទោសរដ្ឋាភិបាលថា ខ្វះខាតក្រុមអ្នកជួយសង្គ្រោះ ធ្វើឱ្យពួកគេបាត់បង់សមាជិកគ្រួសារ និងបណ្ដាលឱ្យចំនួនអ្នកស្លាប់កើនឡើងយ៉ាងឆាប់រហ័ស។
បន្ថែមពីនេះ អ្នកស្រុកបាននាំគ្នាជីកយកកម្ទេចថ្ម ចេញពីអគារ ដោយខ្លួនឯង ដើម្បីស្វែងរកសាច់ញាតិរបស់ខ្លួន។
ស្របពេលដែល ក្រុមសង្គ្រោះមកពីបណ្ដាប្រទេសជិត២០ រួមនិងក្រុមសង្គ្រោះក្នុងស្រុក សរុបជាង២៥.០០០នាក់ កំពុងផ្ដល់ជំនួយ.សម្ភារៈពេទ្យ និងបានចល័ត កាត់ដែក កាយកម្ទេចថ្ម ដើម្បីជួយមនុស្ស និងដកហូតយកសាកសពចេញពីអគារ បាក់បែកជាបន្តបន្ទាប់។
ប៉ុន្តែដោយសារ គ្រោះមហន្តរាយនេះធំធេងពេក.ពោលគឺអគារបាក់រលំជាច្រើនកន្លែង មនុស្សជាប់គាំងនៅក្រោមគំនរបាក់បែក រាប់ម៉ឺននាក់ ជាហេតុនាំឱ្យការសង្គ្រោះ មិនអាចគ្រប់គ្រាន់តាមតម្រូវការ។
គ្រោះរញ្ជួយដីដ៏ខ្លាំងក្លាមួយនេះ បើគិតមកដល់ថ្ងៃទី០១.ខែកក្កដា.២០២៦ គឺមានរយៈពេល៧ថ្ងៃហើយ ដូច្នេះមនុស្សរាប់ម៉ឺននាក់ទៀត ដែលកំពុងជាប់គាំងនៅក្រោមគំនរបាក់បែក ត្រូវប្រឈមមុខនឹងក្ដីអស់សង្ឃឹមថា នៅមានជីវិត។
ក្នុងនោះ មន្ត្រីជំនាញបានប៉ាន់ស្មានថា គ្រោះមហន្តរាយមួយនេះ ចំនួនអ្នកស្លាប់ អាចនឹងកើនដល់១ម៉ឺននាក់៕
