នៅថ្ងៃទី៤ ខែកក្កដា ប្រជាពលរដ្ឋនិងសាច់ញាតិជនរងគ្រោះបាននាំគ្នាចូលរួមពិធីបញ្ចុះសពនៅទីក្រុងដាម៉ាស បន្ទាប់ពីការផ្ទុះគ្រាប់បែកនៅក្នុងហាងកាហ្វេមួយ បានសម្លាប់១០នាក់និងបណ្តាលឱ្យមនុស្ស២១នាក់ទៀតរងរបួស។
ប្រភពពីសារព័ត៌មានAP។
ហេតុការណ៍នេះបានកើតឡើងនៅហាងកាហ្វេដ៏ពេញនិយមមួយ ក្នុងសង្កាត់មីដាន ជិតអគារតុលាការសំខាន់របស់រដ្ឋធានី ដែលជាកន្លែងមានមនុស្សចេញចូលជាញឹកញាប់។
ក្រសួងសុខាភិបាលស៊ីរីបានបញ្ជាក់ថា ចំនួនអ្នកស្លាប់បានកើនពី ៩ នាក់ ទៅ ១០ នាក់ ខណៈអាជ្ញាធរបានសន្យាបន្តស៊ើបអង្កេត និងនាំខ្លួនជនដៃដល់មកផ្តន្ទាទោស។ មកទល់ពេលនេះ មិនទាន់មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះនៅឡើយទេ៕
