(ភ្នំពេញ)៖ ក្រសួងមហាផ្ទៃ នៅថ្ងៃទី៤ ខែកក្កដា ឆ្នាំ២០២៦ បានចេញសេចក្តីប្រកាសបដិសេធ និងស្វែងរកជនប្រព្រឹត្ត មកទទួលខុសត្រូវចំពោះមុខច្បាប់.ករណីផ្សព្វផ្សាយលិខិតក្លែងក្លាយ១សន្លឹក!។
*នេះបើយោងតាមសេចក្តីប្រកាសព័ត៌មានរបស់ក្រសួងមហាផ្ទៃ.!។
ក្រសួង លើកឡើងថា មានការផ្សព្វផ្សាយនិងចែកចាយនូវ លិខិតចាប់បញ្ជូន លេខប្រក៣៧៩ ចុះថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦។
ដែលមានខ្លឹមសារពាក់ព័ន្ធនឹងការបញ្ជូនបេក្ខជន ទៅចូលរួមវគ្គបណ្តុះបណ្តាលនៅបណ្ឌិត្យសភានគរបាលកម្ពុជា។
ក្រសួងមហាផ្ទៃ បានធ្វើការបដិសេធចំពោះការផ្សព្វផ្សាយលិខិត ដែលជាលិខិតក្លែងក្លាយ ហើយក្រសួង កំពុងស្រាវជ្រាវ ដើម្បីស្វែងរកជនប្រព្រឹត្ត មកទទួលខុសត្រូវចំពោះមុខច្បាប់៕
