អ៊ុយក្រែន បានបដិសេធការអះអាងរបស់រុស្ស៊ីដែលថា កងកម្លាំងរុស្ស៊ីបានដណ្តើមកាន់កាប់ទីក្រុង Kostiantynivka ក្នុងតំបន់ Donetsk ដោយអះអាងថា ទីក្រុងនេះនៅតែស្ថិតក្រោមការគ្រប់គ្រងរបស់កងទ័ពអ៊ុយក្រែន ហើយប្រតិបត្តិការការពារនៅតែបន្ត។
ប្រភពពីសារព័ត៌មានAnadolu Agency នៅថ្ងៃទី៤ខែកក្កដា។
អ្នកនាំពាក្យអគ្គសេនាធិការអ៊ុយក្រែន លោក Andriy Kovalev បានប្រាប់សារព័ត៌មានថា កាលពីថ្ងៃទី៣ ខែកក្កដា កងកម្លាំងរុស្ស៊ីបានបើកការវាយប្រហារចំនួន ១១ លើកនៅតំបន់នេះ ប៉ុន្តែមិនទទួលបានជោគជ័យឡើយ។ លោកក៏បានចោទប្រកាន់រុស្ស៊ីថា កំពុងផ្សព្វផ្សាយព័ត៌មានមិនពិតអំពីស្ថានការណ៍នៅសមរភូមិ៕
