កាលពីថ្ងៃទី១៥ ខែកក្កដា អ៊ីរ៉ង់បានកោះហៅឯកអគ្គរដ្ឋទូតអង់គ្លេសប្រចាំទីក្រុងតេអេរ៉ង់ បន្ទាប់ពីចក្រភពអង់គ្លេសបានចាត់ទុកកងឆ្មាំបដិវត្តន៍អ៊ីស្លាម (IRGC) ជាការគំរាមកំហែងសន្តិសុខក្រោមច្បាប់ថ្មីស្តីពីការទប់ស្កាត់ការគំរាមកំហែងពីរដ្ឋ។
ប្រភពពីសារព័ត៌មានReuter នៅថ្ងៃទី១៦ខែកក្កដា។
ក្រសួងការបរទេសអ៊ីរ៉ង់បានព្រមានថា វិធានការរបស់អង់គ្លេស នឹងមិនត្រូវទុកឱ្យឆ្លងផុតដោយគ្មានការឆ្លើយតបឡើយ។
ការកោះហៅនេះកើតឡើងមួយថ្ងៃបន្ទាប់ពីអង់គ្លេសបានកោះហៅភារធារីអ៊ីរ៉ង់ប្រចាំទីក្រុងឡុងដ៍ ដោយចោទប្រកាន់ថា អ៊ីរ៉ង់បានបញ្ជាក្រុមតំណាងឱ្យធ្វើសកម្មភាពវាយប្រហារនៅតាមបណ្តាប្រទេសអឺរ៉ុបក្នុងរយៈពេលប៉ុន្មានខែចុងក្រោយ៕
