អាជ្ញាធរស៊ូដង់បានឱ្យដឹងថា កងកម្លាំងគាំទ្ររហ័ស (RSF) បានប្រើដ្រូនវាយប្រហារស្ថានីយអគ្គិសនីក្នុងទីក្រុង Al-Dabbah ភាគខាងជើងប្រទេស បណ្តាលឱ្យមានអគ្គិភ័យ របួសឆ្មាំសន្តិសុខម្នាក់ និងផ្អាកការផ្គត់ផ្គង់អគ្គិសនីនៅក្នុងតំបន់។
ប្រភពពីសារព័ត៌មានAnadolu Agency នៅថ្ងៃទី១៦ខែកក្កដា។
គណៈកម្មាធិការសន្តិសុខបានចោទប្រកាន់ RSF ថា មានចេតនាវាយប្រហារលើហេដ្ឋារចនាសម្ព័ន្ធស៊ីវិល និងសេវាសាធារណៈសំខាន់ៗ។ ប្រព័ន្ធផ្សព្វផ្សាយក្នុងស្រុកក៏បានរាយការណ៍ថា ការវាយប្រហារនេះបានកំណត់គោលដៅលើទីតាំងយោធាជាច្រើនផងដែរ៕
