ប្រជាជនប៉ាឡេស្ទីនជាច្រើននាក់បានរងរបួសក្នុងការវាយប្រហារដាច់ដោយឡែកពីអ្នកតាំងលំនៅអ៊ីស្រាអែលនៅតំបន់ West Bank ដែលអ៊ីស្រាអែលកាន់កាប់។
ប្រភពពីសារព័ត៌មានAnadolu Agency នៅថ្ងៃទី១៧ខែកក្កដា។
តាមទីភ្នាក់ងារព័ត៌មាន Wafa ក្មេងប្រុសប៉ាឡេស្ទីនអាយុ ១៦ ឆ្នាំម្នាក់ ត្រូវកងកម្លាំងអ៊ីស្រាអែលបាញ់ចំទ្រូងនៅទីក្រុង Bani Naim ភាគខាងកើតទីក្រុង Hebron ហើយត្រូវបានបញ្ជូនទៅមន្ទីរពេទ្យ។ នៅតំបន់ជិតទីក្រុង Bethlehem បុរសអាយុ ៣០ ឆ្នាំម្នាក់ក៏ត្រូវអ្នកតាំងលំនៅវាយដំឱ្យរងរបួសផងដែរ។
នៅតំបន់ South Hebron Hills អ្នកតាំងលំនៅបានវាយប្រហារសមាជិកគ្រួសារមួយ លួចចៀមរបស់ពួកគេ ហើយបន្ទាប់មកកងកម្លាំងអ៊ីស្រាអែលបានចាប់ខ្លួនមនុស្ស ៧ នាក់។
ការវាយប្រហារពីអ្នកតាំងលំនៅអ៊ីស្រាអែលនៅតំបន់ West Bank បានកើនឡើងចាប់តាំងពីសង្គ្រាមនៅហ្គាហ្សាចាប់ផ្តើមក្នុងឆ្នាំ២០២៣៕
