បារាំងបានអំពាវនាវឱ្យសហភាពអឺរ៉ុប (EU) បញ្ឈប់ការនាំចូលផលិតផលដែលផលិតនៅតំបន់តាំងទីលំនៅរបស់អ៊ីស្រាអែលក្នុងតំបន់វេស្ទបែងកាន់កាប់។ រដ្ឋមន្ត្រីការបរទេសបារាំង លោក Jean-Noel Barrot បាននិយាយថា អឺរ៉ុបមិនអាចទទួលយកការធ្វើពាណិជ្ជកម្មដែលអាចគាំទ្រសកម្មភាពខុសច្បាប់ និងប៉ះពាល់ដល់ឱកាសសន្តិភាពរវាងអ៊ីស្រាអែល និងប៉ាឡេស្ទីនបានទេ។
ប្រភពពីសារព័ត៌មានAnadolu Agency នៅថ្ងៃទី២១ខែកក្កដា។
លោកក៏បានបញ្ជាក់ថា បារាំងនៅតែគាំទ្រដំណោះស្រាយ រដ្ឋពីរ រវាងអ៊ីស្រាអែល និងប៉ាឡេស្ទីន។ ជាមួយគ្នានេះ លោកបានចាត់ទុកការបោះឆ្នោតសភាប៉ាឡេស្ទីនដែលគ្រោងធ្វើនៅថ្ងៃទី 28 ខែវិច្ឆិកា ថាជារឿងចាំបាច់ ដើម្បីពង្រឹងភាពស្របច្បាប់របស់សភា និងបើកផ្លូវឆ្ពោះទៅរកការបោះឆ្នោតប្រធានាធិបតី៕
