ក្រសួងការបរទេសអាមេរិក បានចេញការព្រមានសន្តិសុខទូទាំងពិភពលោកជាថ្មី សម្រាប់ពលរដ្ឋអាមេរិកនៅក្រៅប្រទេស ដោយសារភាពតានតឹងកាន់តែខ្លាំងនៅតំបន់មជ្ឈិមបូព៌ា។
ប្រភពពីសារព័ត៌មានTRT World នៅថ្ងៃទី២១ខែកក្កដា។
អាជ្ញាធរអាមេរិកព្រមានថា ស្ថានការណ៍អាចវិវឌ្ឍដោយមិននឹកស្មានដល់ និងអាចបង្កការគំរាមកំហែងដល់សន្តិសុខ ការរំខានដល់ការធ្វើដំណើរ និងផលប្រយោជន៍របស់អាមេរិកនៅបរទេស។ ក្រសួងបានណែនាំឱ្យពលរដ្ឋអាមេរិកមានការប្រុងប្រយ័ត្នខ្ពស់ ខណៈបរិយាកាសសន្តិសុខនៅតែស្មុគស្មាញ និងមានហានិភ័យនៃការកើនឡើងនៃភាពតានតឹង៕
