ប្រធានាធិបតីអាមេរិក ដូណាល់ ត្រាំ បានសម្រេចដាក់ពន្ធនាំចូលថ្មី៥០%លើទំនិញមួយចំនួនពីកាណាដា ដោយអះអាងថា កាណាដាបានប្រព្រឹត្តមិនស្មើភាពចំពោះផលិតផលអាមេរិក។ ពន្ធថ្មីនេះនឹងចូលជាធរមានក្នុងរយៈពេល ៣០ថ្ងៃ ហើយអនុវត្តលើទំនិញដូចជា ស្រា ដំបងវាយកូនគោលលើទឹកកក ស៊ីម៉ង់ត៍ និងផលិតផលផ្សេងៗទៀត។
ប្រភពពីសារព័ត៌មានAl Jazeera នៅថ្ងៃទី២១ខែកក្កដា។
នាយករដ្ឋមន្ត្រីកាណាដា ម៉ាក ខាណី បានរិះគន់ថា ការដាក់ពន្ធនេះរំលោភលើកិច្ចព្រមព្រៀងពាណិជ្ជកម្មសេរី USMCA និងបានបញ្ជាក់ថា កាណាដាត្រៀមបន្តការចរចាជាមួយអាមេរិក ដើម្បីដោះស្រាយបញ្ហា។ ស្ថានការណ៍នេះបានបង្កការព្រួយបារម្ភថា ភាពតានតឹងផ្នែកពាណិជ្ជកម្មរវាងប្រទេសទាំងពីរអាចកាន់តែធ្ងន់ធ្ងរ៕
