គណៈកម្មការទំនាក់ទំនងសហព័ន្ធអាមេរិក (FCC) បានប្រកាសថា ខ្លួនកំពុងពិចារណាហាមឃាត់ការនាំចូលដ្រូនផលិតនៅបរទេសមួយចំនួន ដែលមានសមត្ថភាពប្រើប្រាស់ក្នុងវិស័យយោធា ដូចជា ដ្រូនហោះជាក្រុម (swarming drones) និងដ្រូនដែលបំពាក់បច្ចេកវិទ្យា អ៊ីនហ្វ្រារ៉េដ។
ប្រភពពីសារព័ត៌មានReuter នៅថ្ងៃទី២២ខែកក្កដា។
ការសម្រេចនេះស្ថិតក្នុងដំណាក់កាលបឋម ខណៈ FCC កាលពីខែធ្នូ ឆ្នាំ២០២៥ បានហាមឃាត់ការនាំចូលម៉ូដែលដ្រូនបរទេសថ្មីៗ ប៉ុន្តែបានផ្តល់ការលើកលែងសម្រាប់ដ្រូន និងគ្រឿងបន្លាស់មួយចំនួនដែលមិនផលិតនៅប្រទេសចិន។
FCC បានបញ្ជាក់ថា ការលើកលែងទាំងនេះនឹងត្រូវបន្តរហូតដល់ ខែមករា ឆ្នាំ២០២៨។ វិធានការនេះត្រូវបានគេមើលឃើញថា ជាផ្នែកមួយនៃកិច្ចខិតខំប្រឹងប្រែងរបស់អាមេរិក ដើម្បីពង្រឹងសន្តិសុខជាតិ និងកាត់បន្ថយហានិភ័យពីបច្ចេកវិទ្យាដ្រូនបរទេសដែលអាចត្រូវបានប្រើប្រាស់ក្នុងវិស័យយោធា និងសន្តិសុខ៕
