ប្រទេសមួយចំនួននៅអឺរ៉ុប និងអាមេរិកខាងជើង កំពុងប្រឈមនឹងភ្លើងឆេះព្រៃ និងការបំពុលខ្យល់ ខណៈអ្នកពន្លត់អគ្គិភ័យកំពុងប្រយុទ្ធប្រឆាំងនឹងភ្លើងឆេះនៅ ស្កុតឡេន អេស្ប៉ាញ បារាំង និងកាណាដា។ អ្នកវិទ្យាសាស្ត្របានភ្ជាប់និន្នាការភ្លើងឆេះព្រៃកាន់តែខ្លាំងនេះទៅនឹង ការប្រែប្រួលអាកាសធាតុ។
ប្រភពពីសារព័ត៌មានReuter នៅថ្ងៃទី២២ខែកក្កដា។
នៅស្កុតឡេន សេវាពន្លត់អគ្គិភ័យ និងសង្គ្រោះបាននិងកំពុងដោះស្រាយភ្លើងឆេះព្រៃចំនួនពីរ។ មួយកើតឡើងនៅតំបន់ Glenmore ក្នុងឧទ្យានជាតិ Cairngorms ដែលបានឆេះតាំងពីសប្តាហ៍មុន និងមួយទៀតជាភ្លើងឆេះវាលស្មៅនៅតំបន់ Arthur’s Seat ក្នុងទីក្រុង Edinburgh។
ជាមួយគ្នានេះ អេស្ប៉ាញក៏បានដាក់ពង្រាយអង្គភាពសង្គ្រោះបន្ទាន់យោធា ដើម្បីជួយគ្រប់គ្រងភ្លើងឆេះព្រៃ ខណៈប្រទេសបារាំង និងកាណាដាក៏កំពុងប្រឈមនឹងភ្លើងឆេះ និងបញ្ហាគុណភាពខ្យល់ផងដែរ៕
