អ៊ីរ៉ង់បានត្រៀមផែនការវាយប្រហារលើទីតាំងចំនួន ៣ នៅក្នុងប្រទេសអ៊ុយក្រែន ប៉ុន្តែបានសម្រេចលុបចោលវិញ បន្ទាប់ពីអ៊ុយក្រែនបានសុំទោសចំពោះហេតុការណ៍វាយប្រហារលើនាវាពាណិជ្ជកម្មអ៊ីរ៉ង់មួយគ្រឿងនៅសមុទ្រកាសព្យែន ដែលអ៊ីរ៉ង់អះអាងថា បានបណ្តាលឱ្យសមាជិកនាវិកម្នាក់ស្លាប់។
ប្រភពពីសារព័ត៌មានAnadolu Agency នៅថ្ងៃទី៤ខែសីហា។
ទីប្រឹក្សាយោធាជាន់ខ្ពស់អ៊ីរ៉ង់ លោក Mohsen Rezaei បាននិយាយថា កងកម្លាំងអ៊ីរ៉ង់បានត្រៀមខ្លួនរួចរាល់សម្រាប់ការវាយប្រហារ ប៉ុន្តែបានបញ្ឈប់ប្រតិបត្តិការនេះក្រោយមានការសុំទោសពីភាគីអ៊ុយក្រែន។
លោកក៏បានព្រមានថា អ៊ីរ៉ង់នឹងមិនអនុញ្ញាតឱ្យនាវាចម្បាំងដែលខ្លួនចាត់ទុកថាជាសត្រូវ ធ្វើដំណើរតាមផ្លូវដែលអ៊ីរ៉ង់មិនបានអនុញ្ញាតនៅច្រកសមុទ្រ Hormuz នោះទេ ហើយអាចប្រឈមនឹងការវាយប្រហារ ប្រសិនបើមិនគោរពតាមការព្រមាន៕
